ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

លោក កែវ រ៉េមី ចាប់ផ្ដើមដឹកនាំកិច្ចប្រជុំគណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស

  • ចុះផ្សាយថ្ងៃទី៣០ ខែមីនា ឆ្នាំ២០២២ ម៉ោង ១២:០៧ នាទី ដោយ Hun Sirivadh
  • 2113
  Aa |   aA

ភ្នំពេញ៖ ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានចាប់ផ្ដើមដឹកនាំកិច្ចប្រជុំគណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស (AICHR) ជាលើកដំបូងបន្ទាប់ពីបានក្លាយជាអ្នកតំណាង AICHR អាណត្តិថ្មីពីឆ្នាំ២០២២ ដល់ឆ្នាំ២០២៤។

កិច្ចប្រជុំនេះមានរយៈពេល៣ថ្ងៃ គឺចាប់ពីថ្ងៃទី៣០ ខែមីនា រហូតដល់ថ្ងៃទី១ ខែមេសា ឆ្នាំ២០២២ តាមរយៈប្រព័ន្ធវីដេអូ Conference។

សមាជិកគណៈកម្មាធិកាសិទ្ធិមនុស្សកម្ពុជា និងជាជំនួយការ AICHR លោក ស្រៀង ចិន្ដា បានឱ្យអ្នកសារព័ត៌មានដឹងថាកិច្ចប្រជុំនៅថ្ងៃនេះគឺបានផ្ដោតលើការអនុម័តលើកំណត់ហេតុសង្ខេបអំពីសកម្មភាពរបស់ AICHR កាលពីកន្លងមក និងបន្តពិភាក្សាអំពីឯកសារទស្សនទានមួយចំនួនដែលគ្រោងអនុវត្តន៍ក្នុងឆ្នាំ២០២២ និងពិភាក្សាលើបញ្ហាសិទ្ធិមនុស្សនៅតំបន់អាស៊ានមួយចំនួនផងដែរ។

លោកថា៖ «ព្រឹកមិញមានតំណាងប្រទេសមួយលើកពីចំណាប់អារម្មណ៍របស់គាត់លើបញ្ហាមីយ៉ាន់ម៉ានេះដែរ។ ហើយក្នុងនោះគ្រាន់ជាការសំដែងនូវចំណាប់អារម្មណ៍ ឬកង្វល់ខ្លះៗពាក់ព័ន្ធនឹងមីយ៉ាន់ម៉ា ទន្ទឹមនឹងនេះខាងតំណាងមីយ៉ាន់ម៉ាគាត់បានបកស្រាយពន្យល់មកវិញថាគាត់បានកំពុងធ្វើអ្វីខ្លះពាក់ព័ន្ធនឹងការលើកកម្ពស់ និងការការពារសិទ្ធិមនុស្សនៅក្នុងប្រទេសមីយ៉ាន់ម៉ា ដូចជាការលើកឡើងនូវអ្វីដែលគាត់ខិតខំដូចជាការផ្ដល់នូវសេវាផ្សេងៗដូចជាសុខាភិបាល ឬក៏ប្រព័ន្ធជំនួយសង្គមផ្សេងៗដើម្បីជួយដល់ប្រជាជន»។

លោកបញ្ជាក់ថា មូលហេតុដែល AICHR មិនលូកដៃចូលកិច្ចការមីយ៉ាន់ម៉ាដោយសារតែធម្មនុញ្ញអាស៊ាន និងលក្ខខន្តិកៈរបស់ AICHR ដែលត្រូវការការឯកភាពពីគ្រប់ភាគីដើម្បីអាចជជែកពិភាក្សាបាន។

លោកថា៖ «បើយើងចង់លើកយករឿងមួយមកពិភាក្សាវាត្រូវការប្រទេសសាម៉ីនោះគាត់ Okay ថាអាចលើកមកនិយាយបាន។ អញ្ចឹងបានជាយើងអាចជែកគ្នាផ្ដល់ជាអនុសាសន៍ផ្ដល់ជាមតិយោបល់ឬក៏ដំណោះស្រាយផ្សេងៗ ឬក៏ប្រទេសណាផ្សេងគេលើករឿងប្រទេសផ្សេងមកជជែកហើយប្រទេសសាម៉ីនោះគេឯកភាព អាហ្នឹងបានយើងអាចជជែកគ្នាបាន»។

គណៈកម្មការអន្តររដ្ឋាភិបាលអាស៊ានស្តីពីសិទ្ធិមនុស្ស (AICHR) ត្រូវបានបង្កើតឡើងនៅថ្ងៃទី២៣ ខែតុលា ឆ្នាំ២០០៩ ក្នុងកិច្ចប្រជុំកំពូលអាស៊ានលើកទី១៥ នៅប្រទេសថៃ។ ការបង្កើត AICHR បង្ហាញពីការប្តេជ្ញាចិត្តរបស់អាស៊ាន ក្នុងការបន្តយុទ្ធសាស្រ្តឆ្ពោះទៅមុខ ដើម្បីពង្រឹងកិច្ចសហប្រតិបត្តិការក្នុងតំបន់ស្តីពីសិទ្ធិមនុស្ស។ វាគឺជាផ្នែកសំខាន់មួយ នៃរចនាសម្ព័ន្ធអង្គការអាស៊ាន និងជាស្ថាប័នត្រួតត្រាដែលមានទំនួលខុសត្រូវរួមសម្រាប់ការលើកកម្ពស់ និងការពារសិទ្ធិមនុស្សក្នុងអាស៊ាន។

AICHR ត្រូវបានពង្រឹងបន្ថែមទៀតជាមួយនឹងការផ្សព្វផ្សាយសេចក្តីប្រកាសសិទ្ធិមនុស្សអាស៊ាន (AHRD) ដែលបានអនុម័តក្នុងខែវិច្ឆិកា ឆ្នាំ២០១២ ដោយសេចក្តីថ្លែងការណ៍ទីក្រុងភ្នំពេញស្តីពីការអនុម័ត AHRD ដែលចុះហត្ថលេខាដោយមេដឹកនាំអាស៊ាន។

ក្នុងឆ្នាំ២០២២ គឺជាខួប១០ឆ្នាំនៃសេចក្ដីប្រកាសសិទ្ធិមនុស្សអាស៊ាន ដែលគណៈកម្មការធិការសិទ្ធិមនុស្សកម្ពុជានិងជាប្រធានដឹកនាំ AICHR អាណត្តិថ្មី នឹងរៀបចំកម្មវិធីអបអរសាទរដែលមានបំណងផ្សព្វផ្សាយឱ្យពលរដ្ឋបានដឹង និងជំរុញឱ្យមានការអនុវត្តនូវសេចក្ដីប្រកាសនេះឱ្យកាន់តែទូលំទូលាយ៕


ព័ត៌មានជាច្រើនទៀតសម្រាប់អ្នក